Connect with us

habari

Mbunge wa Chadema Mh,Bulago afariki Dunia

Published

on

Mh. Bilago amefariki mchana wa leo May 26, 2018 katika Hospitali ya Taifa, Muhimbili ambapo alikuwa akipatiwa matibabu.

Taarifa za kifo chake zimethibitishwa na Mwenyekiti wa chama hicho, Freeman Mbowe, ambapo ameeleza kuwa taarifa zaidi juu ya msiba huo zitatolewa muda si mrefu.

Marehemu alizaliwa February 02, 1964 alikuwa mwanachama Chadema na alichaguliwa kuwa mbunge wa Buyungu kuanzia mwaka 2015 hadi mauti yalipomkuta, pia alikuwa ni Mwenyekiti wa Chadema Kanda ya Magharibi.

Continue Reading
Advertisement
Click to comment

Leave a Reply

Your email address will not be published. Required fields are marked *

habari

Trump afanya hili kwa Waislamu wa Marekani toka aingie Ikulu

Published

on

Rais Donald Trump wa Marekani kwa mara ya kwanza tangu kuingia ofisini alifuturu pamoja na waumini wa dini ya Kiislamu katika ikulu ya White House.

Ingawa White House haijatoa orodha kamili ya wageni walioalikwa kwenye hafla hiyo, waandishi wa habari waliohudhuria wamedokeza kwamba wengi wa waliokuwepo walikuwa maafisa wa serikali na mabalozi wa nchi za Kiislamu.

Ni mara ya kwanza kwa Trump kufuturu na waislamu White House baada ya kuepuka zoezi hilo mwaka jana. Kwa miongo kadhaa imekuwa kama desturi kwa marais wa Marekani kufuturu na waislamu katika ikulu wakati wa Ramadhan.

Licha ya hatua ya Trump ya kualika waumini wa dini ya Kiislamu kufuturu kwenye ikulu, mamia ya watu walikusanyika nje ya White House kupinga rais huyo kwa sera na matamshi mabaya dhidi ya dini ya Kiislamu wakati wa kampeni na hata wakati wake kama rais.

Rais huyo pia amekemewa kwa kupitisha marufuku ya usafiri dhidi ya wasafiri wanaotoka nchi za Kiislamu.

Continue Reading

habari

Mchungaji auawa akiwabatiza waumini Ziwani

Published

on

Mchungaji Docho Eshete ameshambuliwa na kuuawa na mamba wakati akibatiza waumini katika ziwa Ayaba lililopo kusini mwa Ethiopia.

Wakati akianza kumbatiza mfuasi wa kwanza tu kati ya themanini waliokwenda kufanyiwa huduma hiyo katika ziwa Ayaba gafla mamba aliruka nje kutoka majini na kumchukua mchungaji huyo ambaye licha ya kujitahidi kupambana na kujiokoa na mashambulizi aliuawa na mamba huyo.

Juhudi za watu waliokuwepo eneo hilo ikiwa ni pamoja na wavuvi waliojaribu kutumia nyavu ili kumuokoa na mamba huyo asimwingize kwenye kina kirefu hazikuweza kuokoa maisha ya mchungaji huyo na walichoweza ni kuupata mwili wake baada ya kuwa tayari amefariki.

Uvuvi wa kupindukia unaosababisha idadi ya samaki ambacho ni chakula cha mamba kupungua utajwa kuwa sababu ya mamba kutoka ziwani na kuonekana mara kwa mara wakiwinda kando kando ya ziwa wakivamia watu na kuwaua.

Continue Reading

habari

(CWUR): Vyuo saba barani Afrika vilivyoingia kwenye orodha ya 1000 bora duniani mwaka huu

Published

on

CWUR inapima ubora wa elimu na mafunzo kwa wanafunzi, ufahari wa wanafunzi walio katika vitivo mbalimbali pamoja na ubora wa tafiti bila kutegemea ‘data’ zilizokusanywa na chuo husika.

Kutoka bara la Afrika vyuo 14 tu vimeingia katika orodha ya vyuo 1000 bora Duniani kwa mujibu wa ripoti iliyotolewa na Center for World University Rankings (CWUR) kwa mwaka huu 2018.

Ripoti hiyo imetaja idadi ya vyuo 7 Afrika Kusini, Misri(4), Nigeria(1), Tunisia(1) na Uganda(1) ndio vimeingia katika orodha ya vyuo 1000 bora Duniani.

Marekani ina jumla ya vyuo 8 katika Kumi bora, huku Chuo Kikuu Harvard kikishika namba 1 kwa mwaka wa 7 mfululizo sasa.

Chuo hicho kinafuatiwa na Chuo Kikuu cha Stanford, Chuo cha Ufundi Massachusetts, Chuo Kikuu cha Cambridge, Chuo Kikuu Oxford, Chuo Kikuu cha California, Berkeley, Chuo Kikuu Princeton, Chuo Kikuu Columbia, Chuo cha ufundi California na Chuo Kikuu cha Chicago.

Vyuo kutoka Afrika Kusini, Chuo Kikuu cha Cape Town kimeshika nafasi ya 223 huku ndio kikiwa Chuo cha kwanza Afrika, kimefuatiwa na Chuo Kikuu cha Witwatersrand(230), Chuo Kikuu cha KwaZulu-Natal(402), Chuo Kikuu cha Pretoria(438), Chuo Kikuu Stellenbosch(448), Chuo Kikuu cha Johannesburg(790) na Chuo Kikuu North-West(964).

Kutoka Misri, Chuo Kikuu Cairo kimeshika namba 452, kikifuatiwa na Chuo Kikuu Ain Shams(715), Chuo Kikuu Mansoura(884) na Chuo Kikuu Alexandria(903)

Chuo kutoka Uganda, Chuo Kikuu Makerere kimeshika nafasi ya 771, Chuo Kikuu Tunis El Manar kutoka Tunisia kimeshika nafasi ya 908 wakati Chuo cha Ibadan kutoka Nigeria kikishika nafasi ya 991.

 

Continue Reading

Trending

Copyright © 2018 HELLO Media Tanzania