Connect with us

Michezo

Kuelekeza fainaili ya ASFC: Mtibwa yaelezea adhabu waliyoitumikia kwa muda mrefu

Published

on

Klabu ya soka ya Mtibwa Sugar, wametoa ufafanuzi kuhusu adhabu yao ya CAF waliyoipata Mwaka 2004, waliposhindwa kusafirisha timu kwenda kushiriki michuano ya kimataifa.
Akizungumza na mwandishi wa moja ya chombo cha habari kwa njia ya simu, Katibu mkuu wa timu hiyo Swabur Abubakar, amesema kuwa adhabu yao ilikwisha mwaka 2007, kwani walifungiwa miaka mitatu na kutakiwa kulipa faini ya Dola 15,000 za Kimarekani, faini ambayo walilipa.
“Adhabu yetu imekwisha, tulitumikia kwa miaka mitatu kuanzia 2004 hadi 2007, tofauti na watu wanavyodhani kwamba ni hadi tungekuwa tumefuzu kushiriki mashindano hayo ila adhabu hiyo huhesabiwa kwa miaka kama iendavyo”.
“Pia tulilipa faini ya Dola 15,000 kama tulivyotakiwa kufanya, hivyo watu wengi walikuwa hawajui hali ilivyo ila ufafanuzi ndiyo huo kuwa hatuna tena kifungo” alisema Abubakar
Kumekuwa na mkanganyiko mwingi kuhusu suala hili hali iliyoweka sintofahamu kwa watu wengi kutokana na Singida United kutinga fainali na kukutana na Mtibwa katika mchezo wa fainali utakaochezwa uwanja wa Sheikh Amri Abeid mjini Arusha June 2 mwaka huu.

Continue Reading
Advertisement
Click to comment

Leave a Reply

Your email address will not be published. Required fields are marked *

Michezo

Siri ya Hazard kuisapoti Misri katika michuno ya Kombe la Dunia mwaka huu

Published

on

Mshambuliaji wa timu ya taifa ya Ubelgiji na klabu ya Chelsea Eden Hazard amesema bila kupepesa maneno kuwa ataisapoti timu ya taifa ya Misri katika michuano ya Kombe la Dunia itakayo fanyika Urusi kuanzia mwezi huu.

Katika mchezo wa kirafiki uliofanyika jana kati ya Misri na Ubelgiji, Misri ilikubali kichapo cha magoli matatu kwa nunge 3-0 ikicheza bila mshambuliaji wao nyota Mo Salah aliyepata majeraha ya bega wakati wa fainali ya ligi ya mabingwa Ulaya 26 May.

Katika mahojiano baada ya kumalizika kwa mchezo huo Hazard alisema Misri ina wachezaji wazuri, na walifanikiwa kukabiliana nao na kupata ushindi hasa baada ya kupata goli la mapema.

Eden Hazard akiwa amevalia jezi ya timu yake ya taifa Ubelgiji

“Misri imebadilika sana kimchezo bila Salah na bado wamecheza vizuri na mtindo wao unafanana na ule wa timu ya taifa ya Tunisia” alisema Hazard

Hazard amesema alizungumza na Mo Salah baada ya kumalizika kwa Ligi ya mabingwa kwani ni rafiki yake sana na alimwambia anataka kumwona akicheza Kombe la Dunia.

“Nina matumaini kuwa Salah atarejea katika hali yake ya kawaida na atashiriki katika mashindao, nitafurahi kumuona na mimi nitashangilia Misri kwaajili yake.” alisema Hazard.

Wakati huo huo pia, wakala wa Mo Salah amekanusha tetesi kuwa Mchezaji wake atajiunga na miamba ya soka ya Hispania Barcelona.

Continue Reading

Michezo

Yanga: Fahamu kuhusu Mkataba mpya wa Hassan Kessy ndani ya Yanga

Published

on

Mkataba wa beki wa kulia wa klabu ya Yanga, Hassan Ramadhan Kessy unamalizika baadaye mwezi huu na taarifa zinasema mpaka sasa bado hajakaa na kufanya mazungumzo kuhusu mkataba mpya ndani ya Klabu hiyo.

Akizungumza katika mahojiano hivi karibuni mara tuu baada ya Yanga kutupwa nje ya mashindao ya SportPesa Cup huko Nakuru Kenya licha ya kuonyesha kiwango kizuri katika mashindano hayo, Kessy amekiri kuwa mpaka sasa bado hajajua hatma yake ndani ya klabu ya Yanga juu ya kutia saini mkataba mpya.

Hassan kessy aakiwa amevalia Jezi nyekundu ya Simba

“Mpaka sasa hatujafanya mazungumzo yoyote, nakwenda kupumzika kwanza, mambo ya mkataba mpya nimemwachia msimamizi wangu” alisema Kessy.

Mwenyekiti wa kamati ya usajili ya Yanga, Hussein Nyika alisema klabu hiyo itawabakiza nyota wote ambao Kocha Mkuu Mwinyi Zahera amependekeza wabaki licha ya kugoma kuwataja majina.

Hassan Kessy alijiunga na Yanga akitokea Simba mwaka 2o16 huku uhamisho wake ukigubikwa na misukosuko.

Continue Reading

Michezo

Mayweather ashika tena namba moja kwa Utajiri Duniani

Published

on

Bondia wa nchini Marekani, Floyd Mayweather ametwaa tena nafasi ya kwanza kwenye orodha ya wanamichezo 100 matajiri zaidi duniani kwa mujibu wa Jarida la kibiashara la Forbes.

Bondia huyo alijipatia kitita cha Dola za kimarekani milioni 275 kufuatia ushindi wake katika pambano dhidi ya Conor McGregor, ambaye ameshika nafasi ya nne katika orodha hiyo.

LAS VEGAS, NV – AUGUST 10: Floyd Mayweather Jr. holds a media workout at the Mayweather Boxing Club on August 10, 2017 in Las Vegas, Nevada. Mayweather will face UFC lightweight champion Conor McGregor in a boxing match at T-Mobile Arena on August 26 in Las Vegas. (Photo by Isaac Brekken/Getty Images)

Mwanasoka nyota wa Ureno, Cristiano Ronaldo ambaye aliongoza orodha hiyo kwa miaka miwili mfululizo ameshuka hadi nafasi ya tatu akipigwa kikumbo na mpinzani wake wa Barcelona, Lionel Messi ambaye ameshika nafasi ya pili.

Katika orodha hiyo hakuna mwanamichezo mwanamke, baada ya mwanamkee pekee aliyekuwepo mwaka jana Serena Williams kuondolewa.

Wanamichezo hao 100 kwa ujumla wao walijipatia Dola za Kimarekani bilioni 3.8 likiwa ni ongezko la 23% kutoka mwaka jana limeeleza Jarida la Forbes, ambapo dereva wa mashindano ya Langalanga kutoka nchini Uingereza Lewis Hamilton akishika nafasi ya 12 na mapato ya dola milioni 51.

Hata hivyo wachezaji wa mpira wa kikapu wamedhibiti orodha hiyo kutokana na kulipwa mishahara minono iliyochochewa na mikataba kati ya Ligi ya NBA na makampuni ya Televisheni hasa matangazo yanayofikia dola bilioni 34.

Continue Reading

Trending

Copyright © 2018 HELLO Media Tanzania